Azərbaycan, Bakı, 18 dekabr /Trend, müxbir A.Axundov/
Azərbaycan Mərkəzi Bankı (AMB) 2013-cü ildə ölkənin bank sektorunun ümumi kapitallaşdırılmasının 10-20 faiz artacağını gözləyir. Bu barədə çərşənbə axşamı Trend-ə AMB-nin baş direktoru Rəşad Orucov deyib.
"Dinamika çox müsbət və yaxşıdır, banklar yaxşı başlayıblar. Bankların müxtəlif kapitallaşdırma proqramları mövcuddur. Kapitallaşdırma prosesinin başa çatmasına hələ bir il var. Demək olar ki, hazırda yeni tələblərə cavab verməyən banklar gələn il kapitallarını 70-80 faiz artıracaqlar. Bu, bütün bazarın 10-20 faiz artmasına təsir edəcək", - Orucov qeyd edib.
