Azərbaycan, Bakı, 25 dekabr /Trend, müxbir İ.Xəlilova/
Azərbaycan Mərkəzi Bankı (AMB) ölkənin bank sistemində 8 faiz həcmində müəyyənləşdirilən "leveric" (aktivlərin artımını kapital artımı ilə birləşdirən alət) səviyyəsinə dəyişiklik edilməsinə lüzum görmür. Bu barədə çərşənbə axşamı Trend-ə AMB-nin baş direktoru Rəşad Orucov deyib.
"Hələlik biz bu səviyyədə qalmaq niyyətindəyik, çünki mövcud səviyyə yaxşı hesab edilir. Adıçəkilən alət yaxşı kapital bazasında sabit artıma nəzarət etməyə, sağlam bazada böyüməyə, kapitalın səviyyəsinə nəzarət etməyə, aktivlərin yaxşı tarazlaşdırılmasına nail olmağa və kapitalın artımına imkan verir ki, bu da çox vacibdir, - Orucov qeyd edib. - Bu, çox səmərəli alətdir və öz bəhrələrini verir, çünki aktivlərin artımı yaxşı kapitallaşdırma ilə dəstəklənir".
Qeyd edək ki, üçüncü rübün yekunları üzrə "leveric"in səviyyəsi minimum normanı ötərək 9,6 faiz təşkil edib.
