Azərbaycan, Bakı, 29 dekabr /Trend/
Azərbaycan Qiymətli Kağızlar üzrə Dövlət Komitəsi (QKDK) Azərbaycanın Hüquqi Aktların Dövlət Reyestrinə daxil edilmiş qiymətli kağızlar bazarında sui-istifadələrin qarşısının alınmasına dair qaydaları təsdiqləyib. Trend-in məlumatına görə, bu barədə Komitənin şənbə günü yaydığı məlumatında deyilir.
Qaydalar qabaqcıl beynəlxalq təcrübəyə uyğun hazırlanıb və qiymətli kağızlar bazarında sui-istifadələrin qarşısının alınmasına, şəffaflığın artırılmasına, həmçinin qiymətli kağızlarla aparılan əməliyyatlara nəzarətin effektivliyinin artırılmasına imkan yaradacaq.