Azərbaycan, Bakı, 12 mart / Trend, müxbir A. Axundov/
Azərbaycan hökuməti ölkənin ən böyük bankı olan Azərbaycan Beynəlxalq Bankının (ABB) özəlləşdirilməsi məqsədilə aparılan analizini 1-2 aydan sonra bərpa edəcək. Trend-in məlumatına görə, bu barədə çərşənbə axşamı Fondun Yaxın Şərq və Mərkəzi Asiya regionu üzrə departamentinin məsləhətçisi Raca Almarzoqi BVF nümayəndə heyyətinin Bakı səfərinin yekunlarına dair təşkil olunan mətbuat konfransında bildirib.
Raca Almarzoqinin başçılığı ilə BVF nümayəndə heyəti fevralın 26-dan etibarən Bakıda səfərdədir. Səfərin əsas məqsədi Azərbaycan hökumət ilə "BVF-in yaradılması haqqında" razılaşmanın 4-cü bəndi ilə bağlı məsləhətləşmələr aparmaqdır.
"Hazırda bankın 1-2 ay ərzində yekunlaşacaq kapitallaşdırılması prosesi davam edir. Bundan sonra hökümət bankın özəlləşdirmə analizini bərpa edəcək",- deyə Almarzogini bildirib.
Onun sözlərinə görə, ölkə hakimiyyəti BVF-nun ABB-nin yenidən strukturlaşdırma, kiçildilmə və özəlləşdirilməsi məqsədilə tövsiyələrini dəstəkləyir.
"Bu tədbirlər bankın səhmdarlarını mümkün risklərdən qoruyacaq",- Almarzogini qeyd edib.
