Auditor: Regionda ən aşağı ipoteka dərəcələri Azərbaycandadır

Azərbaycan, Bakı, 31 mart /Trend, müxbir E.Əliyev/

Azərbaycanda ipoteka kreditləri üzrə faiz dərəcələri regionun digər ölkələrinə nisbətən daha aşağıdır. Trend-in məlumatına görə, bu barədə Gürcüstan Milli Bankının sifarişi ilə KPMG beynəlxalq auditor şirkətinin mart ayında apardığı araşdırmada deyilir.

Araşdırmanın nəticələrinə əsasən, Azərbaycanda milli valyutada müəyyən edilmiş dərəcə ilə ipoteka kreditləri üzrə orta çəkili nominal dərəcə 10,5 faiz təşkil edir. Müqayisə üçün: Ermənistanda bu göstərici 16,3 faizə, Gürcüstanda 15 faizə, Qazaxıstanda 12,4 faizə bərabərdir.

Bütün kredit xərcləri ilə yanaşı faktiki illik faiz dərəcələrinə (FİFD) gəlincə, Azərbaycanda milli valyutada onun ipoteka üzrə orta çəkili məbləği qonşu bazarlarda olduğundan aşağıdır və 12,4 faiz təşkil edir. Müqayisə üçün: Ermənistanda göstərilən dərəcə 18,2 faizə, Gürcüstanda 16,9 faizə, Qazaxıstanda 13,4 faizə bərabərdir.

Cədvəldə milli və xarici valyutada ipoteka kreditləri üzrə müəyyən edilmiş orta çəkili dərəcələr göstərilib:

Hesabata görə, Azərbaycan bankları xarici valyutada ipoteka kreditləri vermirlər.

Sənəddə deyilir: "Bundan başqa, Azərbaycan, Ermənistan və Qazaxıstanın bank sektorlarında üzən dərəcə ilə ipoteka qeyri-populyardır. Gürcüstanda, Ermənistanda və Qazaxıstanda üzən dərəcə bu ölkələrin mərkəzi bankları tərəfindən müəyyən edilən təkrar maliyyələşdirmə dərəcəsinə bağlıdır".

Kreditləşmənin bu növü üzrə nisbətən aşağı dərəcələr Gürcüstanda təyin edilib. Bu ölkənin bankları SKV-də üzən dərəcələrlə ipoteka kreditləri vermirlər. Belə kreditlər üzrə ən yüksək dərəcələr Ermənistanda qeydə alınıb.

Cədvəldə milli və xarici valyutada ipoteka kreditləri üzrə orta çəkili üzən dərəcələr göstərilib: