Azərbaycan, Bakı, 18 aprel /Trend, müxbir İ.Xəlilova /
Almaniyanın KfW Bankı (Almaniya İnkişaf Bankı) Azərbaycanda kənd yerlərinin maliyyələşdirilməsinin ikinci fazası çərçivəsində maliyyələşdirmə imkanlarının öyrənilməsinə başlayıb.
Cümə günü Trend-ə KfW-nin Bakı ofisindən bildiriblər: "Hal-hazırda maliyyə institutunun seçimi keçirilir. Layihənin strategiyasına əsasən, KfW-nin kredit resurslarına birbaşa çıxışa banklar kimi həm də qeyri-bank kredit təşkilatları malikdirlər".
KfW-nin bu kənd təsərrüfatı layihəsi çərçivəsində kreditin alınması iddiaçılarının seçilməsi üzrə tələblər arasında kənd yerlərində kreditlərin verilməsi üçün hazırlanmış personal, ölkənin regionlarında inkişaf etmiş filial şəbəkəsini və sair göstərmək olar.
Layihənin birinci fazasının dəyəri 5 milyon avro təşkil edir. İlkin mərhələdə Şəki-Zaqatala və Qaxın kənd yerləri əhatə olunacaq. Kredit resursları indiyədək iki kredit təşkilatı - "Bank Respublika" və bank olmayan kredit təşkilatı "CredAgro" arasında bölüşdürülüb. "Bank Respublika" 1,5 milyon avro, "CredAgro" 2 milyon avro alıb, qalan vəsaitlər isə daha bir bank üçün nəzərdə tutulmuşdu. Xüsusilə danışqılar "Dəmirbank"la aparılıb, lakin sonradan dayandırılıb. "ParaBank"ın da namizədliyinə baxılıb, lakin son nəticədə seçim "Turanbank"ın üzərində dayanıb.
Bu vəsaitlər birinci faza çərçivəsində olduğu kimi, subordinasiya olunmuş kreditlər qismində veriləcək. Belə borclar ikinci səviyyənin kapitalına əlavə edilsə də, vəsaitlər regionlarda kənd əhalisinin kreditləşdirilməsi, eləcə də Bakı, Gəncə və Sumqayıt istisna olmaqla ölkə regionlarında xırda sahibkarlığın inkişafı üçün nəzərdə tutulacaq.
Ancaq KfW kapitallaşdırmanın nəticələrini gözləməyə qərar verərək bu prosesi dayandırdı.
Almaniya bankının ofisindən bildiriblər: "Bankın seçimi prosesi Azərbaycanın bank sektorunda gözlənilən dəyişikliklərlə əlaqədar ləngiyirdi. Azərbaycan Mərkəzi Bankı əvvəlcə 2014-cü il yanvarın birinə ümumi kapitalın minimal məbləğinin 50 milyon manata qədər artım üzrə tələb təyin etdi, sonra bu müddət bir il sonraya keçirdildi. Bu tələbin icrasında çətinliklər hiss edən banklara Mərkəzi Bank birləşməyi məsləhət görür. Əks təqdirdə, ölkənin bank bazarında onların fəaliyyəti məhdudlaşdırıla bilər".
Bu mərhələdə KfW artıq iki varianta baxır və yaxın vaxtlarda kreditin ikinci tranşnın [3,5 milyon avro] ayrılacağı banklardan birini müəyyən etmək niyyətindədir.
KfW ilə Azərbaycan arasında əməkdaşlıq 1994-cü ildə başlayıb. Bankın ölkədə strateji fəaliyyət istiqaməti energetika, su və başqa infrastrukturların bərpası, maliyyə və bank, özəl sektorlarının, səhiyyə sisteminin, ətraf mühitin və sairənin inkişafına dəstəkdir. Bankla əməkdaşlığa başlandığı dövrdən 2014-cü ili yanvarın birinədək Azərbaycan bankla 230,3 milyon avro həcmində 13 kredit sazişi imzalayıb.
