...

Azərbaycan bankları Rusiyadan 550 milyon dollar cəlb ediblər

Biznes və iqtisadiyyat xəbərləri Materials 24 İyun 2014 20:01

Trend-i buradan izləyin

Azərbaycan, Qəbələ, 24 iyun /Trend, müxbir Zülfiyyə Qurbanova/

Hazırda Azərbaycan banklarının Rusiyadan cəlb etdiyi vəsaitlərin həcmi 550 milyon dollardır, bu vəsaitdən 300 milyon dollar ölkədə fəaliyyət göstərən Rusiyanın "VTB" və "Nikoil" banklarının payına düşüb.

Trend-in məlumatına görə, bunu Azərbaycan Mərkəzi Bankının (AMB) baş direktoru Rəşad Orucov Qəbələdə V Azərbaycan-Rusiya regionlararası forumu çərçivəsində keçirilən "Rusiya və Azərbaycan banklarası əməkdaşlığının inkişafı" adlı "dəyirmi masa"da deyib.

Onun sözlərinə görə, Rusiya kapitalı Azərbaycanda "VTB" (Azərbaycan) və "Nikoil" bankları və 2010-cu ildən fəaliyyət göstərən "Rosselxozbank"ın nümayəndəliyi ilə təmsil olunub: "Bundan başqa, Azərbaycan Beynəlxalq Bankının törəmə strukturu "ABB-Moskva" Rusiya bazarında uğurla işləyir. 2012-ci ildə Moskvada "Muğanbank"ın nümayəndəliyi açılıb. Fikrimcə, bu istiqamətdə inkişaf etməyə yer ver. Ölkənin 43 bankından 35-nin Rusiyada həmkarları ilə müxbir münasibətləri var".

R.Orucov qeyd edib ki, Azərbaycan bankları Rusiyanın "Kontakt", "Zolotaya korona", "Migom" və s. pulköçürmə sistemləri ilə fəal işləyir: "İndiyədək Azərbaycandan Rusiyaya təqribən 300 milyon dollar, əks istiqamətdə isə təqribən 1 milyard dollar köçürülüb".

Məqalədə:
Xəbər lenti

Xəbər lenti