...

Almaniya bankı Azərbaycanda aqrar maliyyələşdirmə mexanizmini dəyişir

Biznes və iqtisadiyyat xəbərləri Materials 24 İyul 2014 14:24 (UTC +04:00)

Azərbaycan, Bakı, 24 iyul /Trend/

Almaniyanın KfW İnkişaf Bankı Cənub-Şərqi Avropa (EFSE) üçün Avropa Fondunun Azərbaycan bölməsində aqrar maliyyələşdirməyə yönəldilmiş ikinci kredit ayırmaq qərarına gəlib.

KfW-nin Bakı ofisindən cümə axşamı Trend-ə bildiriblər ki, Fond vasitəsilə yerli banklarla kənd yerlərinin kreditləşməsini davam etdirmək plnalaşdırılır.

Azərbaycan Mərkəzi Bankı (AMB) ilə məsləhətləşmələrdən sonra belə qərara gəlinib. KfW-nin Riskləri İdarəetmə Departamenti ölkədə aqrar sektorun maliyyələşdirilməsinin əvvəlki mexanizmini təsdiq etməyib.

Layihənin əvvəlki strategiyasına əsasən, KfW-nin vəsaitləri kənd yerlərində layihələrin maliyyələşdirilməsi və Bakı, Sumqayıt, Gəncə istisna olmaqla ölkənin regionlarında kiçik sahibkarlığın inkişafı üçün subordinasiya krediti şəklində ayrılırdı. Layihənin I fazası çərçivəsində 1,5 milyon avro "Bank Respublika"ya və 2 milyon avro "CredAgro" Bank Olmayan Kredit Təşkilatına ayrılmışdı.

Bankın ofisindən qeyd ediblər ki, KfW layihənin II fazasına daha 3,5 milyon avro ayırmağı planlaşdırır: "Bu vəsaiti ancaq 1 bank ala bilərdi. Üstəlik, bu vəsaitlər 4 il müddətinə ikinci səviyyəli kapitala (subordinasiya krediti şəklində) ayrılır. Bununla əlaqədar KfW və AMB kredit resurslarını EFSE-yə ayırmağı məqsədəuyğun hesab edib ki, bu da xeyli sayda bankları əhatə edəcək".

Əvvəllər II fazanın reallaşdırılması ilə bağlı yubanmalar KfW-nin ölkənin bank sektorunda kapitallaşma prosesinin nəticələrinin gözləməsi ilə əlaqədar olmuşdu.

Məqalədə:
Xəbər lenti

Xəbər lenti