Azərbaycan, Bakı, 27 sentyabr /Trend, müxbir Emil İsmayılov/
Qiymətli Kağızlar üzrə Dövlət Komitəsi (QKDK) "Xəzər-Lada" ASC-nin ümumi dəyəri 5 milyon manat olan təmin edilməmiş, adlı, faizli, sənədsiz istiqrazlarının emissiya prospektini qeydiyyata alıb.
Trend-in QKDK-ya istinadən verdiyi məlumata görə, emissiya çərçivəsində hər birinin nominal dəyəri 5 min manat olan 1000 istiqraz buraxılıb.
Qeyd edək ki, "Xəzər-Lada" ASC "Avtovaz" SC-nin məhsullarının (avtomobillər və onların orijinal ehtiyat hissələri) Azərbaycanda satışı ilə məşğul olur. Həmçinin ASC VAZ avtomobillərinə texniki xidmət göstərir.
