...

"Bank of Baku" Mərkəzi Bankın nağdsız ödənişlər üzrə nominasiyasında liderliyini saxlayır

Biznes və iqtisadiyyat xəbərləri Materials 20 Aprel 2015 16:04 (UTC +04:00)
Azərbaycan Mərkəzi Bankının ölkəmizdə nağdsız hesablaşmaların həcminin artırılması, elektron ödəniş xidmətlərindən istifadənin əhatə dairəsinin genişləndirilməsi istiqamətində apardığı fəaliyyət proqramı çərçivəsinə banklar arasında növbəti stimullaşdırıcı kampaniya keçirilib.
"Bank of Baku" Mərkəzi Bankın nağdsız ödənişlər üzrə nominasiyasında liderliyini saxlayır

Azərbaycan, Bakı, 20 aprel /Trend/

Azərbaycan Mərkəzi Bankının ölkəmizdə nağdsız hesablaşmaların həcminin artırılması, elektron ödəniş xidmətlərindən istifadənin əhatə dairəsinin genişləndirilməsi istiqamətində apardığı fəaliyyət proqramı çərçivəsinə banklar arasında növbəti stimullaşdırıcı kampaniya keçirilib.

Bank of Baku-dan Trend-ə verilən məlumata görə, ötən illərin nominasiyalarından fərqli olaraq, bu il banklar 4 nominasiyada iştirak ediblər: nağdsız ödənişlər üzrə lider bank, elektron bankçılıq üzrə lider bank, elektron ticarətin inkişafında lider bank və təsərrüfat subyektlərində nağdsız ödənişlər üzrə lider bank.

Münsiflər heyətinin qərarına əsasən, 2014-cü ilin fəaliyyət hesabatına görə "Bank of Baku" yuxarıda qeyd olunan 4 nominasiyanın 3-də qaliblər sırasında yer alıb. Belə ki, "Bank of Baku" 2 nominasiyada, nağdsız ödənişlər üzrə lider bank və təsərrüfat subyektlərində nağdsız ödənişlər üzrə lider bank seçilərək 1-ci yerə layiq görülüb, elektron bankçılıq üzrə lider bank nominasiyasında isə 2-ci yerə layiq görülüb.

Xatırladaq ki, 2013-cü ilin yekun hesabatına əsasən də "Bank of Baku" nağdsız ödənişlər üzrə 1-ci yerə layiq görülərək lider bank seçilmiş, elektron bankçılıq üzrə nominasiyada isə 3-cü yerdə qərarlaşmışdı.

Nağdsız ödənişləri dəstəkləməklə "Bank of Baku"Azərbaycan Mərkəzi Bankının ölkədə nağdsız ödənişlərin stimullaşdırılması siyasətinə öz töhfəsini verir.

Bank of Baku-ya məxsus kredit kartlarının əksəriyyətini Bolkart, loyal müştərilərə verilən "Dostlar Klubu" kartları, VİSA və MasterCard, həmçinin Mybrand's və İdeal kobrend kredit kartları təşkil edir. Bank of Baku-nun lider bank olmasında Bolkart kredit kartının populyarlığının xüsusi çəkisi var. Belə ki, bu gün yüz minlərlə Azərbaycan vətəndaşı Bolkart-dan istifadə edir.

Bank of Baku-nun kredit kartları barədə daha ətraflı: 145 Məlumat Mərkəzi və www.facebook.com/bankofbaku

Məqalədə:
Xəbər lenti

Xəbər lenti