Azərbaycan, Bakı, 9 iyun /Trend, müxbir Azad Həsənli/
2015-ci ildə Azərbaycanın dövlət büdcə kəsiri ÜDM-in 6 faizini təşkil edəcək. Trend-in məlumatına görə, bunu Beynəlxalq Valyuta Fondunun (BVF) Azərbaycan üzrə missiyasının rəhbəri Raca Almarzoqi deyib.
O bildirib ki, BVF-nin proqnozuna əsasən, cari hesab profisiti ÜDM-nin 5,5 faizinədək enəcək, büdcədə isə təqribən ÜDM-nin 6 faizi səviyyəsində kəsir yaranacaq: "Neftin qiyməti aşağı enərsə və ya bank sisteminin devalvasiyadan sonra yaşadığı stress gözləniləndən daha geniş olarsa, ÜDM-nin kəskin və ehtimal ki, davamlı enişinin qarşısını almaq mümkün olmayacaq".