...

"Azərbaycan və Moldova arasında vergi sahəsində təcrübə mübadiləsini daha da dərinləşdirmək zəruridir"

Biznes və iqtisadiyyat xəbərləri Materials 24 Noyabr 2015 20:09 (UTC +04:00)
Vergilər naziri Fazil Məmmədov Moldova vergi administrasiyasının rəhbəri ilə görüşüb.
"Azərbaycan və Moldova arasında vergi sahəsində təcrübə mübadiləsini daha da dərinləşdirmək zəruridir"

Bakı. Trend:

Noyabrın 24-də vergilər naziri Fazil Məmmədov Azərbaycanda səfərdə olan Moldova Maliyyə Nazirliyi yanında Baş Dövlət Vergi Müfəttişliyinin rəhbəri İon Prisekaru ilə görüşüb.

Vergilər Nazirliyinin Analitik-informasiya şöbəsindən Trend-ə verilən məlumata görə, görüşdə F.Məmmədov son illər ölkəmizdə bütün sahələrdə ciddi nailiyyətlər əldə olunduğu barədə məlumat verərək, bu uğurların əsasında Azərbaycan Respublikasının Prezidenti cənab İlham Əliyevin rəhbərliyi altında həyata keçirilən düşünülmüş iqtisadi siyasətinin dayandığını bildirib. Vergilər naziri Azərbaycan və Moldova arasında işgüzar münasibətlərin ildən-ilə inkişaf etdiyini, son illər bu ölkələrin vergi xidmətləri arasında əməkdaşlığın, vergi inzibatçılığının təkmilləşdirilməsi ilə bağlı təcrübə mübadiləsinin müsbət nəticələr verdiyini, mövcud əlaqələrin daha da dərinləşdirilməsinin zəruriliyini qeyd edərək, ölkəmizin vergi sistemində aparılan islahatlar və bu sahədə əldə olunan uğurlar haqqında qonağa ətraflı məlumat verib.

İ.Prisekaru səmimi qəbula görə təşəkkürünü bildirib, onun ölkəsinin Azərbaycanla əlaqələrə mühüm əhəmiyyət verdiyini diqqətə çatdırıb. Son illər yüksək iqtisadi artıma nail olan Azərbaycanla Moldovanın vergi xidmətləri arasında mövcud olan sıx əməkdaşlıqdan məmnunluğunu ifadə edən qonaq təcrübə mübadiləsinin daha da dərinləşdirilməsinin, mübadilə proqramlarının davam etdirilməsinin zəruriliyini qeyd edib. Moldova Baş Dövlət Vergi Müfəttişliyinin nümayəndə heyətinin Azərbaycana səfəri çərçivəsində nəzərdə tutulmuş işgüzar proqramın çox zəngin və maraqlı olduğunu bildirən qonaq ikitərəfli münasibətləri daha da inkişaf etdirmək üçün müvafiq dövlət qurumlarının nümayəndələri arasında bu cür səfərlərin gələcəkdə də təşkil olunmasının vacibliyini bildirib.

Görüşdə vergilər sahəsində əməkdaşlığın cari vəziyyəti və inkişaf perspektivləri müzakirə edilib.

Məqalədə:
Xəbər lenti

Xəbər lenti