Bakı. Maksim Tsurkov - Trend:
Azərbaycanın Transxəzər Beynəlxalq Nəqliyyat Marşrutu (TBNM) üzrə Avropaya yüklərin daşınması sahəsində potensialı ildə 54 milyon ton təşkil edir.
Trend-in Ukrayna Nəqliyyat Strategiyaları Mərkəzi portalına istinadən verdiyi məlumata görə, bunu Odessada "Azərbaycan Dəmir Yolları" QSC-nin sədr müavini İqbal Hüseynov "Avropa ilə Asiyanın birləşməsi: transkontinental marşrutlar sisteminin formalaşdırılmasına yeni baxış" beynəlxalq forumunda deyib.
O qeyd edib ki, TBNM layihəsinin bütün iştirakçıları Bakı-Tbilisi-Qars dəmir yolunun istismara verilməsinə (2016-cı ildə gözlənilir) ehtiyac duyurlar.