...

Mərkəzi Bankın valyuta ehtiyatları yanvarda 600 milyon dollardan çox azalıb (ƏLAVƏ OLUNUB)

Biznes və iqtisadiyyat xəbərləri Materials 2 Fevral 2016 16:53 (UTC +04:00)
2016-ci ilin yanvar ayında Azərbaycan Mərkəzi Bankının (AMB) sərəncamında olan valyuta ehtiyatları dekabr ayı ilə müqayisədə 618,2 milyon dollar (12,3 faiz) - 4 398,5 milyon dollaradək azalıb.
Mərkəzi Bankın valyuta ehtiyatları yanvarda 600 milyon dollardan çox   azalıb  (ƏLAVƏ OLUNUB)

Bakı. Azad Həsənli - Trend:

2016-ci ilin yanvar ayında Azərbaycan Mərkəzi Bankının (AMB) sərəncamında olan valyuta ehtiyatları dekabr ayı ilə müqayisədə 618,2 milyon dollar (12,3 faiz) - 4 398,5 milyon dollaradək azalıb.

Trend xəbər verir ki, bu barədə Mərkəzi Bankın statistik məlumatlarında deyilir.

Ötən ilin əvvəlindən Mərkəzi Bankın valyuta ehtiyatları 9 359,8 milyon dollar (68 faiz) azalıb.

AMB-nin valyuta ehtiyatlarının azalması 2014-cü ilin iyul ayından müşahidə olunur. Bu, əvvəllər yavaş templə (təqribən 20-50 milyon dollar) gedirdisə, 2014-cü iklin dekabrdan etibarən kəskin azalma baş verib. Bu da ölkədə dollar kütləsinə tələbatın artması ilə əlaqədardır.

Artıq 2015-ci ilin may-iyun aylarında valyuta ehtiyatlarının artımı bərpa edilib. Belə ki, aprel ayı ilə müqayisədə may ayında AMB-nin ehtiyatları 42,9 milyon dollar (0,51 faiz) artaraq 8,43 milyard dollara çatıb, iyun ayında isə 89,4 milyon dollar (1,06 faiz) artıb.

Lakin cüzi artımdan sonra AMB-nin valyuta ehtiyatları azalıb. İyulda ehtiyatlar 18,7 milyon dollar, avqustda 1,19 milyard dollar, sentyabrda 300,7 milyon dollar, oktyabrda 180,1 milyon dollar, noyabrda isə 589 milyon dollar azalıb.

Məqalədə:
Xəbər lenti

Xəbər lenti