...

Maliyyə Bazarlarına Nəzarət Palatasında Attestasiya komissiyası yaradılıb

Biznes və iqtisadiyyat xəbərləri Materials 20 May 2016 13:19
Azərbaycan Respublikasi Maliyyə Bazarlarına Nəzarət Palatasının 7 nəfərdən ibarət Attestasiya komissiyası öz fəaliyyətinə başlayıb.
Maliyyə Bazarlarına Nəzarət Palatasında Attestasiya komissiyası yaradılıb

Trend-i buradan izləyin

Bakı. Trend:

Azərbaycan Respublikasi Maliyyə Bazarlarına Nəzarət Palatasının 7 nəfərdən ibarət Attestasiya komissiyası öz fəaliyyətinə başlayıb.

Palatadan Trend-ə verilən məlumata görə, Attestasiya komissiyasının ilk iclasında üç nəfər bank inzibatçısının attestasiyası keçirilib və hər üç namizəd iddia etdikləri vəzifələrə uyğun hesab ediliblər.

Attestasiya komissiyası Azərbaycanda fəaliyyət göstərən bankların və xarici bank filiallarının İdarə Heyəti üzvləriin, daxili audit bölmələrinin rəhbərlərinin, baş mühasiblərinin, investisiya şirkətlərinin, fond birjasının, klirinq təşkilatının və investisiya fondunun depozitarının rəhbər işçilərinin attestasiyasını həyata keçirəcək.

Sığorta şirkətlərinin rəhbər işçilərinin (Direktorlar Şurasının, İdarə Heyətinin və Təftiş Komissiyasının üzvlərinin, daxili audit xidmətinin rəhbərinin və baş mühasibin), aktuari fəaliyyəti ilə məşğul olan şəxslərin, sığorta agentlərinin və ya onların rəhbərlərinin və investisiya xidmətlərini həyata keçirən şəxslərin attestasiyası isə test vasitəsilə həyata keçiriləcək.

Məqalədə:
Xəbər lenti

Xəbər lenti