Bakı. Ənvər Məmmədov - Trend:
Azərbaycan və Rusiya arasında münasibətlər bütün istiqamətlər üzrə fəal inkişaf edir. Trend-in məlumatına görə, bu barədə İqtisadiyyat naziri Şahin Mustafayev Bakıda keçirilən Azərbaycan-Rusiya və Rusiya-Azərbaycan iclasında deyib.
Nazir qeyd edib ki, hazırda iqtisadiyyat, eləcə də qarşılıqlı investisiyalar sahəsində ikitərəfli münasibətlər fəal inkişaf etməkdədir.
Ş.Mustafayev vurğulayıb: "Rusiyanın Azərbaycandakı investisiyaları milyardlarla dollarla qiymətləndirilir. Azərbaycanın təkcə neft sektorunda Rusiyanın investisiyalarının həcmi 2,8 milyard dollar təşkil edir. Rusiyanın bu investisiyalardan əldə etdiyi gəlirlər artıq 2 milyard dollara çatıb".