Bakı. Azad Həsənli – Trend:
"Azersun Holding" şirkətlər qrupu IPO (səhmlərin kütləvi yerləşdirilməsi) keçirməyi planlaşdırır.
Trend-in məlumatına görə, bunu holdinqin Müşahidə Şurasının sədri Abdulbari Goozal Azərbaycan Sahibkarlar Konfederasiyasının aqrar inkişaf üzrə komissiyasının iclasında deyib.
Onun sözlərinə görə, ilkin mərhələdə söhbət şəkər istehsalı zavodunun səhmlərinin yerləşdirilməsindən gedir: "Biz zavodun səhmlərinin 30-40 faizini London fond birjasında satışa çıxarmağı planlaşdırırıq".