Bakı. Trend:
Bakı Beynəlxalq Dəniz Ticarət Limanının Ro-Ro terminalının yükaşırma gücü ildə 6 milyon tondan çoxdur.
Trend-in məlumatına görə, bunu bu gün Ro-Ro terminalının rəisi Rüfət Haqverdiyev deyib.
Onun sözlərinə görə, terminalda təkərli texnika və dəmiryol vaqonlarının aşırılması həyata keçirilir.
"Bir gəmi orta hesabla 180 minik avtomobili və ya 60-dək yük avtomobili daşıya bilər", - deyə o bildirib.
R.Haqverdiyev əlavə edib ki, yükaşırma əsasən Mərkəzi Asiya ölkələrindən Avropaya həyata keçirilir.