Bu gün Azərbaycanda təxminən 60 min işsiz adam qeydə alınıb.Bu barədə Trend agentliyinə AR əmək və əhalinin sosial müdafiəsi nazirliyində bildirilib.
Nazirliyin məlumatına əsasən, ilin əvvəlindən nazirlik işsiz vətəndaşların sosial müdafiəsinin gücləndirilməsi üçün bir sıra tədbirlər həyata keçirib.Beləliklə, bu dövr ərzində məşğulluq orqanları tərəfindən 25 662 şəxs müvafiq işlərlə təmin edilib, 2,5 min nəfər peşəkar hazırlığa cəlb edilib, 2196 şəxs ictimai işlərə cəlb edilib, işsizlik statusunu təxminən
5 000 vətəndaş alıb, 6 134 şəxs isə müavinətlə təmin edilib.
Respublikanın 55 rayonunda keçirilmiş əmək yarmarkaları nəticəsində 6 304 vətəndaş işlə təmin edilib.
Nazirlikdə bildirilib ki, əhalinin məşğulluğu siyasətinin təkmilləşdirilməsi məqsədilə nazirlik tərəfindən məşğulluq üzrə Strategiya layihəsi hazırlanıb. Sənədə artıq Nazirlər Kabinetində baxılıb və baxılmaq üçün prezidentin İcra aparatına təqdim edilib.