Asiya inkişaf bankı (AİB) və Azərbaycan hökuməti AİB-in hazırladığı "Kənd və mikromaliyyələşdirmənin inkişafı" layihəsinin korreksiyasına dair müzakirələri davam etdirir. AR nazirlər Kabinetində Trend ə bildirilib ki, noyabrın 22-də keçirilən müşavirədə AİB hökumətin bank tərəfindən təklif edilmiş iş proqramına yenidən baxılması zərurəti ilə bağlı fikri ilə razılaşıb.
"AİB hökumət ətrəfindən təklif edilmiş yanaşmaların öyrənilməsi üçün vaxt götürüb. Biz 2-3 gün ərzində məsləhətləşmələrin növbəti mərhələsinin keçirilməsini və proqramın korreksiyası üzrə işlərin başlanılmasını gözləyirik" -deyə Nazirlər Kabinetində bildirilib.
Azərbaycan hökuməti AİB-in bütün kreditinin ($25 mln.) kənd sakinlərinin mikromaliyyələşdirilməsi komponentinə, məsləhətləşmə komponentinin azaldılması ($2,5 mln.) və institusional xərclərə yönəltməyi təklif edir.AİB özvəsaitinin yarıbayarı mikromaliyyələşdirmə ilə bankların regional strukturlarının açılmasının təşkili arasında bölüşdürülməsini təklif edib.
Hələlik layihənin ümumi dəyəri $30 mln. olaraq qiymətləndirilir. AİB 2006-cı ildə krediti təsdiq etməyə hazırdır.
