2005-ci ilin əvvəlindən Azərbaycanda 10 min ton bal istehsal olunub. Azərbaycanın Kənd Təsərrüfatı Nazirliyinin heyvandarlıq məhsullarının istehsalı və emalı şöbəsinin müdiri Çingiz Fərəcovun Trend ə bildirdiyi kimi, bu, ötən ilin göstəricisi ilə müqayisədə 5 min ton çoxdur.
Onun sözlərinə görə, hazırda ölkədə 100 min arı ailəsi var. Təxminən 3 min nəfər isə arıçılıqla məşğul olur.
Nazirliyin nümayəndəsi hesab edir ki, arıçılıq ən gəlirli sahələrdən biridir və Azərbaycanda onun inkişafı üçün böyük potensial var. Arıçılıq Daşkəsən, Lerik, Yardımlı və digər rayonlarda inkişaf edib. Hər arı ailəsi 12 kq bal verir.
2006-cı ildə ölkədə bal istehsalı göstəricisi 11 min ton həcmində müəyyən edilib.