Agrolizing Açıq Səhmdar Cəmiyyətinin xətti ilə alınan gübrələrin fermerlərə verilməsinə başlanılıb. Trend in məlumatına görə, bu barədə dekabrın 15-də kənd təsərrüfatı naziri İsmət Abbasov məlumat verib.
Onun sözlərinə görə, bu gübrələr fermerlərə özəl müəssisələrin tarifindən aşağı olan sərfəli qiymətə satılır. "İndiyə kimi bu istiqamətdə sahibkarlardan heç bir şikayət daxil olmayıb", - deyə nazir qeyd edib. Fermerlərə gübrələrin təqdim olunması şərtlərinə toxunan nazir qeyd edib ki, bu, girov və ümumi dəyərin 10%-nin ilkin ödənməsi əvəzində həyata keçirilir. Yerdə qalan məbləğ isə ilbəil ödəniləcək.
Azərbaycana artıq 1248 ton həcmində gübrələrin bir hissəsi gətirilib və daha 6700 ton gübrə ölkəyə gətirilir.
Tədarük barədə razılaşma AmerikanınSurer Trading LLC şirkəti ilə noyabr ayında imzalanıb.
2006-cı ildə də ASC-in xətti ilə dövlət büdcəsi vəsaiti hesabına pestisid və gübrələrin alınması nəzərdə tutulub.