Aqrar sahədə aparılmış islahatlar Azərbaycanda bu sahənin inkişafına müsbət təsir göstərir. Trend in xəbər verdiyi kimi, Kənd Təsərrüfatı Nazirliyinin bitkiçilik məhsullarının istehsalı, emalı və torpaqdan istifadəyə nəzarət şöbəsinin rəhbəri Sabir Vəliyev bildirib.
Onun sözlərinə görə, hazırda Azərbaycanda 1 mln. 837 min nəfər torpaq sahibidir. Bu o deməkdir ki, ölkədə 860 min ailə torpaq sahəsinə malikdir.
"1999-cu ildə 837 min ha torpaq ümumi əkin sahəsi idi. Bu gün həmin göstərici 1 mln. 387 min ha təşkil edir", - deyə o vurğulayıb.
Dövlət Statistika Komitəsinin məlumatına görə, mayın əvvəlində ölkədə 273,4 min ha sahədə əkin işləri həyata keçirilib ki, bu da 2005-ci ilin analoji göstəricisindən 9,9% azdır. Ümumi sahənin 13 min hektarı dənli bitkilərin (qarğıdalı istisna olmaqla), 14,4 min ha qarğıdalının, 62,2 min ha isə pambıq və s. payına düşüb.
