Bakı Fond birjasının idarə heyəti Müşahidə şurasına təqdim etmək üçün 2006-cı ildə yarımillik fəaliyyətinin yekunları üzrə hesabat hazırlayır. Bu barədə bu günkü mətbuat konfransında BFB prezidenti Anar Axundov bildirib. Onun sözlərinə görə, birja fəaliyyətinin təhlili əsasında birjanın gələcək komissiya siyasəti müəyyən olunacaq.
"Birja səhmdarları ilə məsləhətləşmələr əsasında və Müşahidə şurasında birja fəaliyyətinin gələcəkdə kommersiyalaşdırılması barədə qərar qəbul olunmalıdır və bu halda onun mənfəətliliyi ön plana qoyulacaq və ya fond bazarında əməliyyat komissiyası üzrə mülayim rejim seçiləcək", - deyə A.Axundov qeyd edib. O ehtimal edir ki, ilin birinci yarısında fond bazarında müsbət nəticələr əldə olunub. Birja dövriyyəsinin ümumi həcmi 3,52 dəfə artaraq, 440,4 milyon manat təşkil edib. Bu zaman 2006-cı ilin yanvar-iyun aylarında 3,7 milyon manat təşkil edən gündəlik orta dövriyyədə də artım müşahidə olunur. Ötən ilin analoji dövründə isə bu göstərici 1,008 milyon manat təşkil edib. Gündəlik orta dövriyyə 3,67 dəfə artıb.
