2006-cı ilin iyununda kənd təsərrüfatı məhsullarının istehsal qiyməti əvvəlki ayla müqayisədə 4% və 2005-cı ilin dekabrına nisbətdə 8,3% artıb.
Trend in Dövlət Statistika Komitəsinə istinadən xəbər verdiyi kimi, 2006-cı ilin mayında bitkiçilik məhsullarının qiyməti 2005-ci ilin mayı ilə müqayisədə 99,5% təşkil edib. Bu dövr ərzində kartof və taxılın qiyməti 0,2%, meyvələrin isə - 1,2% artıb. Tərəvəzin qiyməti 3% aşağı düşüb.
Heyvandarlıq məhsullarının qiyməti əvvəlki ayla müqayisədə 92% təşkil edib. Yumurta, süd və diri quşun qiyməti 6,5%, 6,4% və 0,4% aşağı düşüb. Meşə təsərrüfatı məhsullarının qiyməti 2,8% aşağı düşüb, balıqçılıq təsərrüfatı məhsullarının qiyməti isə sabit olaraq qalıb.
Birinci yarımildə kənd təsərrüfatı məhsullarının ümumi istehsal dəyəri 656,7 mln manat olub. Bu dövr ərzində heyvandarlıq məhsullarının dəyəri 1,9%, bitkiçilik məhsullarının isə - 8,6% artıb.
