2006-cı ilin sentyabr-oktyabr aylarında Avropa Yenidənqurma və İnkşaf Bankı (AYİB) Direktorlar Şurasının Azərdəmiryolbankın birgə maliyyələşdirmə proqramına cəlb edilməsi barədə qərar verəcəyi gözlənilir. Azərdəmiryolbankın idarə heyətinin sədri Roman Əmircanovun Trend ə verdiyi məlumata əsasən, hazırda bu məsələ müzakirə mərhələsindədir.
Layihə iri layihələrin kreditləşdirilməsini nəzərdə tutub. Sazişin ümumi dəyəri $6 mln. həcmində gözlənilir.
Hazırda bu beynəlxalq maliyyə institutundan alınmış vəsaitlərin ümumi həcmi $12,5 mln., o cümlədən mikro, kiçik və orta müəssisələrə dəstək məqsədilə - $9,5 mln., ticari maliyyələşdirmə - $3 mln. təşkil edir.