Azərbaycan hökumətinin Ümumdünya Ticarət Təşkilatına qoşulması ilə bağlı məsləhətçi xidmətlərin göstərilməsi haqqında Amerikanın Boos-Alen-Hamelton şirkətilə bağlanmış müqavilənin müddəti sentyabrın sonunda başa çatır. Bu barədə Trend ə hökumət mənbələrindən bildiriblər. Məsləhətçi xidmət AĞŞ-ın Ticarət və İnkişaf Agentliyinin texniki yardımı çərçivəsində göstərilir. Bu agentliklə ötən il $981 min həcmində qrant sazişi imzalanıb. Boos-Alen-Hamelton-un yerli podryatçısı qismində Omni hüquq şirkəti çıxış edir.
Bu, Amerika hökuməti tərəfindən Azərbaycana göstərilən ilk yardım deyil. İlk belə bir saziş 3 il əvvəl $1,943 mln. həcmində imzalanıb. Bunların hesabına ÜTT-ya üzvlük üzrə qanunvericilik bazasında mövcud çatışmazlıqların aradan qaldırılması üçün normativ aktlar hazırlanıb. Misal üçün, intelektual mülkiyyət, kənd təsərrüfatının subsidiyalaşdırılması, standartlaşdırma sahəsində sənədlər hazırlanaraq katibliyə təqdim olunub. Bundan əlavə, xarici iqtisadi, ticarət haqqında memorandum, gömrük tarifləri və rabitə xidmətləri üzrə cədvəl tərtib olunub. Hökumət texniki yardımın davam etdirilməsi mümkünlüyünü istisna etməyib. Yeni məsləhətləşmələrin müddətindən əlavə, layihə şərtlərinin də dəyişdirilməsi ehtimal olunur.
Azərbaycan hazırda ÜTT .ölkələri üzrə növbəti danışıqlara hazırlaşır. İlkin olraq bu danışıqlar 2066-cı ilin oktyabr-noyabr aylarına planlaşdırılıb. Əvvəlki danışıqlar isə 2006-cı ilin martında keçirilib.Görüşün keçirilmə tarixi suallara cavabların hazırlanmasından asılıdır və bu cavablar sentyabrın 15-nə qədər ÜTT katibliyinə təqdim olunmalıdır.