Azərbaycan tərəfdən İqtisadi Əməkdaşlıq Təşkilatı (ECO) ölkələrinin toxumçuluq məsələləri üzrə konfransının iştirakçıları müəyyən olunub. Kənd Təsərrüfatı Nazirliyinin elmi-aqrar mərkəzindən Trend ə verilən xəbərə görə, görüşdə Azərbaycandan dövlət fitosanitar nəzarət xidməti laboratoriyasının direktoru Camal Quliyev və seleksiya və onun qorunması nailiyyətləri komissiyasının sədri Fazil Paşayev iştirak edəcək.
İƏT ölkələrində toxumçuluq siyasəti və sisteminin harmonizasiyası məsələləri üzrə konfrans 2007-ci il yanvarın 17-19-da İslamabadda keçiriləcək. Ölkələrdə toxumçuluq sisteminin ümumi vəziyyətinin, qanunverici-hüquqi bazanın harmonizasiyası yolları, toxumçuluq sahəsində əməkdaşlığın genişləndirilməsinin müzakirə ediləcəyi gözlənilir.
İqtisadi əməkdaşlıq təşkilatı - təşkilatın üzv-ölkələrinin iqtisadi, texniki və mədəni əməkdaşlığına yardım etmək üçün İran, Pakistan və Türkiyə tərəfindən 1985-ci ildə yaradılmış hökümətlərarası regional təşkilatdır. İƏT 1964-cü ildən 1979-cu ilə qədər mövcud olan İnkişaf üçün regional əməkdaşlıq Təşkilatının hüquqi davamçısıdır. 1992-ci ildə təşkilat ona yeddi yeni üzvün qoşulması yolu ilə genişlənib.
Hazırda Əfqanıstan, Azərbaycan, İran, Qazaxıstan, Qırğızıstan, Pakistan, Tacikistan, Türkiyə, Türkmənistan və Özbəkistan İƏT-nin üzvləridir.
