Trend in məlmatına əsasən, Azərbaycanın Dövlət Neft Fondu 2006-cı ildə fondun aktivlərinin qiymətli kağızlarla kapital qoyuluşu siyasətini davam etdirib. ADNF-nun icraçı direktoru Şahmar Mövsümovun mətbuat konfransında bildirdiyinə görə aktivlərin qoyulması müddəti bu gün ən əsas göstəricilərdən biridir. Hazırda inkişaf etmiş ölkələrdə (ABŞ, Yaponiya, Böyük Britaniya) belə tendensiya var Ki, qısamüddətli investisiya uzunmüddətli investisiyaya nisbətən daha çox gəlir gətirir. Bununla əlaqədar 2005-ci ildən etibarən Neft Fondu dünya bazarlarında yaranmış vəziyyətə əəsasən vəsaitlərini qısamüddətli qiymətli kağızlarla yerləşdirəcək.
Bu gün 51,6% bir il müddətinə Mərkəzi Bankda yerləşdirilib, 33,9% - 1 ildən 3 ilə qədər, 8,2% 3 ildən 5 ilə qədər, 2,8% - 5 ildən 7 ilə qədər və 3,5% - 7 ildən 10 ilə qədər.
ADNF aktiv və qiymətli kağızlarının yerləşdirilməsi istiqamətində mühafizəkar siyasət həyata keçirir. Əsasən, onlar Mərkəzi Bankda Moody, Standard & Poors və Fitch reytinq agentlərinin qərara aldığı yüksək reytinqlə yerləşdirilir. Hazırda Fondun Mərkəzi Bankda 18,5% aktivi "AAA", 28,2%-i "AA", 28,1%-i "A", 25,2%-i "BBB" reytinqlərilə yerləşdirilib.
ADNF-nun avtivləri qismən qiymətli kağızlarla yerləşdirilib, pul bazarının alətləri (depozit, fondlar və nəğd hesab). Aksiyalarda Fondun cəmi 0,3% aktivi yerləşdirilib. Hazırda Fondun 11,9% aktivi agentliklərin qiymətli kağızlarına qoyulub, 0,5% - depozitlər, 0,2% - pul bazarı və fondlar, 4,8% - nəğd hesab, 60% - maliyyə şirkətlərinin qiymətli kağızları, 3,1% - xarici dövlətlər, 13,4% - korporativ qiymətli kağızlar, 5,8% - ipoteka qiymətli kağızları.
Ş. Mövsümov həmçinin Neft Fondunun aktivlərinin yerləşdirilməsinin coğrafiyası haqda da məlumat verib. Böyük hissəsi (54,1%) Avropa ölkələrində, 39,7% - ABŞ, 5,6% - Asiya, 04% Afrika və 0,2% Avstraliya.
