Azərbaycan,Bakı/müxbir Trend İ.Xəlilova/Azərbaycan Nazirlər Kabineti tərəfindən əlillərin sosial müdafiəsi üzrə tədbirlərin maliyyələşdirilməsi Dövlət Proqramı təsdiqlənib. Bu barədə hökumətdən məlumat verilib. Proqramda maliyyələşdirilməsi 2007-ci ildə həyata keçiriləcək tədbirlər təsdiqlənib. Onların ümumi dəyəri 19 164,5 min manat təşkil edir.
Dövlət Proqramında tədbirlər beş bloka bölünüb. Birinci blokda əlillərin sağlamlığının qorunması və tibbi xidmət çərçivəsində əlillərin bərpa mərkəzlərində şəxsi reabilitasiya proqramlarına əsasən dərmanlarla təminatı, onların xaricdə reabilitasiya keçməsi, Xaçmaz və Yevlaxda regional mərkəzlərin tikintisi və Naftalanda regional mərkəzin, NMR-də uşaq bərpa mərkəzinin tamamlanması və s. nəzərdə tutulub. Vəsaitlərin böyük hissəi (9 256,9 min manat) bu tədbirlər üçün ayrılacaq.
İkinci blokda idman və bədən tərbiyəsi tədbirləri və 1337,5 min manat vəsait ayrılan əlillik problemi ilə bağlı informasiya təminatı nəzərdə tutulub. Əlillərin texniki və maliyyə yardımının təşkili üçün 430 min manat, yaşayış yerlərinin tikintisinə (Bakı, Xırdalan, Zaqatala, İsmayıllı, Tovuz, Şamaxı və Qəbələdə) 7390 min manat və əlillərin sosial müdafiəsi üzrə orqanların təminatı üçün 750 min manat nəzərdə tutulub.