Azərbaycan, Bakı/ Trend müxbir Ü.İsmayılova/ Azərbaycan İpoteka Fondu filial şəbəkəsini genişləndirməyi planlaşdırır. Bu barədə cümə günü Azərbaycan İpoteka Fondunun (AIF) icraçı direktoru Faiq Məmmədov beş ayın yekuna həsr olunmuş mətbuat konfransında məlumat verib.
Məmmədovun sözlərinə görə, Fond Naxçıvanda filial açılması üçün Azərnbaycan Milli Bankından icazə alıb. Naxçıvan filialı Azərbaycan Milli Bankının yerli filialının tərkibində fəaliyyət göstərəcək.
AİF kreditləri 23 müvəkkil bank vasiətsilə verir.
Məmmədovun sözlərinə görə, Fond 2006-cı ilin büdcəsindən 26,5 mln. manat məbləğində ipoteka kreditlərini maliyyələşdirib. Əlavə 500 min manat Fondun gəlirləri hesabına sərf olunub.
Cari ilin büdcəsindən Fonda 20 mln. manat ayrılıb. Amma Fond hələ ki, bu vəsaitləri almayıb və bununla əlaqədar ölkədə ipoteka kreditlərinin verilməsi müvəqqəti olaraq dayandırılıb. Məmmədov qeyd edib ki, yaxın zamanlarda büdcədən həmin vəsaitlərin fondun hesabına köçürüləcəyi gözlənilir. Bundan sonra kreditlərin verilməsi bərpa olunacaq. Məmmədov bazarın dinamikası ilə ayaqlaşmaq, ipoteka kreditinə tələbatı ödəmək məqsədilə əlavə vəsaitlərin ayrılması üçün AİF-in Maliyyə Nazirliyinə müraciət etdiyini bildirib.
