Azərbaycan, Bakı /müx. Trend İ.Xəlilova / Beynəlxalq İqtisadi Forumun hazırda Bakıda olan assosiativ direktoru, bu təşkilatın biznesin inkişafı üzrə rəhbəri Qrant Makkibin verdiyi məlumata görə, sentyabrın 6-8-də Dalyamda (Çin) Birinci Davos İqtisadi Forumu keçiriləcək və bu forumda şirkət rəhbərləri, cəmiyyətin üzvləri, Dünya İqtisadi Forumun aparıcı mütəxəssisləri iştirak edəcəklər.
Azərbaycan Beynəlxalq Bankı bu beynəxalq təşkilata üzv qəbul olunan Azərbaycanın ilk bankıdır.
Makkibinin sözlərinə görə, forumun iştirakçıları dünya iqtisadiyyatının problemlərini və gələcək inkişaf perspektivlərini müzakirə edəcəklər.
"Azərbaycan iqtisadiyyatının hazırkı artımını və ölkənin inkişaf etmiş ölkələrin bazarına aktiv inteqrasiyasını nəzərə alaraq, cəsarətlə demək olar ki, Azərbaycan şirkətlərinin belə vacib tədbirdə
iştirakı çoxlu müsbət dividendlər gətirəcək" - deyə Beynəlxalq İqtisadi Forumun sədri bildirib.
Görüş zamanı həmçinin aparıcı biznesmenlərlə fikir mübadiləsi, dünyanın biznes nəhənglərinin təcrübəsilə tanışlıq aparılacaq ki, bu da gələcək inkişaf üçün strategiyanın hazırlanmasına imkan verəcək.
