Azərbaycan, Bakı /müx. Trend S.Babayeva/ Böyük Britaniyada dabaq xəstəliyinin yayılması Azərbaycan üçün təhlükə törətmir. Bunu çərşənbə axşamı Azərbaycanın Kənd Təsərrüfatı Nazirliyi yanında Dövlət Baytarlıq Xidmətinin katibi Yolçu Xanvəli deyib.
Onun sözlərinə görə, Azərbaycan Böyük Britaniyadan ət və ət məhsulları almır.
"Biz əvvəllər də Böyük Britaniyadan ət almamışıq. Bu səbəbdən də dabaq xəstəliyinin Azərbaycan ərazisində yayılmasının heç bir təhlükəsi yoxdur" - deyə Xanvəli qeyd edib.
Azərbaycan bu gün yalnız Gürcüstandan donuz ətinin idxalına qadağa qoyub. Çünki bu ölkədə Afrika taunu xəstəliyi aşkarlanıb.