Azərbaycan, Bakı / Trend , müxbir İ.Xalilova / Azərbaycan Beynəlxalq Bankından (ABB) verilən məlumata görə, bank Sürixdə (İsveçrə) yerləşən törəmə Beynəlxalq Sığorta Şirkətinin (BSŞ), yəni "InterProtect Re AG" təkrar sığorta şirkətinin satışı ilə bağlı Lüksemburq şirkəti ilə müqavilə imzalayıb.
Layihənin investisiya mənsubiyyətini nəzərə alaraq satış "InterProtect Re AG"nin fəaliyyətinin qiymətləndirilməsindən sonra həyata keçirilib, BSŞ-dən verilən məlumatda belə deyilir. Bu məqsədlə KPMG beynəlxalq auditor şirkəti cəlb olunub. Şirkətin kifayət qədər gəlirə malik olmasının təsdiq olunması şirkəti yaradılması zamanı qoyulan investisiyalardan 2,5 dəfə baha reallaşdırmağa imkan verib.
Sövdələşmənin ümumi məbləği 2,6 mln. İsveçrə frankı (2,3 mln. dollar) təşkil edib, "InterProtect Re AG" iki əvvəl isə 1,2 mln. İsveçrə frankı (0,9 mln. dollar) dəyərində kapitalla təsis edilib.
Şirkətin satışını kapitalın genişləndirilməsi ilə bağlı qanunvericiliyə dəyişiklik və bütün keptinq şirkətlərinin (yalnız ana şirkətdən risklər qəbul edən) təkrar sığorta ilə məşğul olan real şirkətə çevrilməsi üzrə müvafiq İsveçrə hakimiyyət orqanlarının tələbi labüd edib. 2007-ci ilin sonuna qədər şirkət təkrar sığorta şirkətinə çevrilməlidir. ABB bu addımı qanunvericilkdə mövcud olan törəmə şirkətlərdə kapitalın genişləndirməsinə qarşı qoyulan məhdudiyyətlər ilə bağlı olaraq atmalı olub (investisiyalar ana şirkətin kapitalının 20%-dən çox olmamalıdır).
BSŞ-nin kapitalı "InterProtect Re AG"nin kapitalını genişləndirməyə imkan vermir.
2007-ci il yanvarın 1-dən İsveçrədəki təkrar sığora şirkətlərinin nizamnamə kapitalı 5 mln. İsveçrə frankına qədər artırılıb. Hazırda Beynəlxalq Sığorta Şirkətinin nizamnamə kapitalı 8,8 mln. manat təşkil edir. "InterProtect Re AG"nin kapitalının lazımi səviyyəyə qədər artırıldığı təqdirdə uyğun olaraq onun BSŞ-nin nizamnamə kapitalında xüsusi çəkisi 40,7% olardı.
"InterProtect Re AG" Azərbaycan Beynəlxalq Bankına məxsus olan Beynəlxalq Sığorta Şirkətinin 100%-lik kapitalı əsasında yaradılıb.
