Azərbaycan, Bakı, 03 aprel / Trend ", müxbir V.Şərifov/ Azərbaycan Türkiyənin qaz tələbatını 2008-ci ilin 13, 9 faizinə qarşı 2009-cu ildə 16,5 faiz təmin edə biləcək. Bu barədə Türkiyənin dövlət şirkəti - "Botas"şirkətinin rəsmi saytında yerləşdirilmiş proqnozlarında məlumat verilir. Türkiyə Azərbaycanın "Şah Dəniz" yatağından 2008-ci ilin 5 mlrd. kubmetr qazına münasibətdə 2009-cu ildə 6,6 mlrd. kubmetr qaz almaq niyyətindədir. Türkiyənin qaz tələbatı ildə 39,78 mlrd. kubmetrə qədər olmaqla, 2009-cu ildə 3,814 mlrd. kubmetrə qədər artacaq.
"Botas" proqnozlaşdırır ki, 2010-cu ildə Azərbaycanın "Şah Dəniz" yatağından alınmış 6,6 mlrd. kubmetr qaz həcmi saxlanıldığı zaman, bu yanacağa olan tələbat Azərbaycan tərəfindən 15 faiz səviyyəsində təmin olunacaq. 2010 -cu ildə 2009-cu ilə nisbətən Türkiyənin qaz tələbatının Azərbaycan tərəfindən təminatının 1,5 faiz azalmasına səbəb, bu ölkədə illik yanacaq istifadəsinin 43,8 mlrd. kubmetr artması ilə bağlıdır.
"Botas"ın proqnozlarına görə, Türkiyənin qaz tələbatı 2015-ci ildə 56,183 mlrd. təşkil edəcək, "Şah Dəniz" yatağının hesabına isə tələbat 11,7 faiz səviyyəsində ödəniləcək. 2020-ci ildə Türkiyəyə 65,867 mlrd. kubmetr qaz tələb olunacaq, tələbat "Şah Dəniz"in hesabına 10 faiz səviyyəsində təmin olunacaq.
Beləliklə, 13 il ərzində (2008-ci lidən 2020-ci il də daxil olmaqla) Azərbaycan Türkiyənin qaz tələbatını orta hesabla 13,37 faiz səviyyəsində təmin edə biləcək. "Şah Dəniz" yatağı üzrə layihə tərəfdaşları "Botas" ilə qazın alış-satış müqaviləsini 2001-ci ildə imzalayıb. Qaz Türkiyəyə Cənub-Qafqaz qaz kəməri (SCP) vasitəsilə nəql olunur.
"Şah Dəniz" dəniz yatağının yenidən işlənməsi müqaviləsi 1996-cı il iyunun 4-də imzalanıb. Sazişin iştirakçıları bu şirkətlərdir: BP (operator) -25,5 faiz, "Statoil" - 25,5 faiz, NİCO - 10 faiz, "Total" - 10 faiz, "Luk Agip"- 10 faiz, TRAO- 9 faiz, ARDNŞ -10 faiz.
Müəlliflə əlaqə saxlamaq üçün elektron ünvan: [email protected]
