Azərbaycan, Bakı, 04 iyun/ Trend , müxbir İ.Xəlilova/ ABŞ-ın Ticarət və İnkişaf üzrə Agentliyi (USTDA) Azərbaycanın Dövlət Neft Fondunun (ARDNF) institusional inkişafı layihəsinin üçüncü fazasının tam maliyyələşdirilməsindən imtina edir. Bu barədə çərşənbə günü ARDNF-in icraçı direktoru Şahmar Mövsümov məlumat verib.
"USTDA-nın şərtlərindən biri belədir ki, o, layihənin dəyərinin 50 faizinin maliyyələşdirilməsi üçün qrant ayırmağa hazırdır, - Mövsümov qeyd edib. Bu Azərbaycanın iqtisadi vəziyyəti və ARDNF-in artan aktivləri ilə izah olunur".
Bununla əlaqədar Amerika agentliyi birgə maliyyələşdirməni təklif edir.Xərclərin qalan hissəsi Azərbaycan hökuməti və Neft Fondunun vəsaitləri hesabına ödəniləcək. Fond rəhbərinin sözlərinə görə, hazırda bu məsələ ilə əlaqədar USTDA ilə danışıqlar davam etdirilir. Layihənin üçüncü fazasının reallaşdırılması üçün ilkin hesablamalara görə, $700-800 min tələb olunacaq.
Layihənin üçüncü fazasına - bu faza üzrə təkliflər artıq nəzərdən keçirilmək üçün agentliyə təqdim olunub - menecerlərin seçilməsinə və onların idarə edilməsinə yardım, həmçinin Fondun əməkdaşlarının treninqi üçün daxili sistemin yaradılması (daimi əsasda əməkdaş hazırlayacaq daxili məktəbi xatırladacaq) daxildir.
Neft Fondunun gələcək institusional inkişafına zərurət neftdən gələn böyük daxilolmalarla əlaqədardır.
"Bununla əlaqədar biz iri gəlirlərin alınmasına hazırlıq məqsədi daşıyan iki il əvvəl başlanılmış hazırlıq işini davam etdiririk və o müasir texnologiyaların, PT-nin tətbiq edilməsi, həmçinin fondun kadr potensialı səviyyəsinin artırılması istiqamətində aparılır", - Mövsümov bildirib.
Amerikanın Overture Financial Services şirkəti ötən ildən başa çatmaq üzrə olan texniki yardımın ikinci fazası çərçivəsində mühasibat sisteminin təkmilləşdirilməsi, risklərin və gəlirliliyin qiymətləndirilməsi sisteminin qurulması üçün sxemin seçimində məsləhət göstərilməsi, həmçinin investisiya portfelinin idarə edilməsi ilə bağlı yardım göstərir. USDTA-nın bu işlərin həyata keçirilməsi üçün nəzərdə tutulan qrantı $855, 075 min təşkil edib.
Bundan əlavə, Overture Managed Solutions birinci faza çərçivəsində ARDNF-in məsləhətçisi olub. TDA-nın birinci mərhələ çərçivəsində texniki yardımı $1,091 mln. məbləğində olub.
İyunun 4 -nə olan rəsmi məzənnə - 0,8204 AZN/USD
Müəlliflə əlaqə saxlamaq üçün elektron ünvan: [email protected]
