...

Almaniyanın "RWE Dea" şirkəti Azərbaycan və Türkmənistanda dəniz-qaz kəşfiyyatı işlərində maraqlıdır

Energetika Materials 5 İyun 2008 11:34 (UTC +04:00)

Azərbaycan, Bakı, 05 iyun / Trend , müxbir A.Bədəlova/ Almaniyanın "RWE Dea" kəşfiyyat-hasilat şirkəti Xəzərin perspektivli qaz strukturlarının öyrənilməsi üçün "Caspian Geophysical" BM-dan geoloji-geofiziki materiallar alıb. Bu barədə Bakıda "RWE"nin Şərqi Avropa və MDB-də yeni layihələr üzrə baş meneceri Verner Şvartshans (Werner Schwarzhans) bildirib.

Onun sözlərinə görə, şirkət Azərbaycan və Türkmənistanda dəniz kəşfiyyat işlərinin aparılmasında maraqlıdır.

"RWE Dea" kəşfiyyat, işlənmə, neft və qaz hasilatı sahələrində beynəlxalq operatordur. Şirkət Avropanın iri enegetika korparasiyalarından biri olan "RWE Group"un bir hissəsidir. "RWE Dea"nin hasilat və işlənmə üzrə fəaliyyəti Almaniya, Birləşmiş Krallıq, Norveç, Danimarka və Misirdə həyata keçirilir. Şirkət həmçinin Əlcəzair, Liviya, Malta və Polşada kəşfiyyat işlərinin aparılmasında maraqlıdır.

"Caspian Geophysical" ARDNŞ (55 faiz) və "Soks Company Ltd"nin (45 faiz) birgə müəssisəsidir. Birgə müəssisə dəniz üzrə ikiölçülü (2D), üçölçülü (3D) və dördölçülü (4D) seysmokəşfiyyat, su dərinliyinin bütün hissələrində multi-komponent dəniz seysmik kəşfiyyat işləri və göstəricilərin hazırlanması kimi xidmətlər təqdim edir.

Xəbər lenti

Xəbər lenti