Azərbaycan, Bakı, 01 sentyabr/ Trend , müxbir E.İsmayılov/ "Azərbaycan Dövlət Neft Şirkətinin (ARDNŞ) Gürcüstandakı yeni neft bazasının tikintisinə başlanılması tarixi, gürcü -osetin münaqişəsi ilə əlaqədar olaraq, sentyabrdan oktyabra keçirilib", - SOCAR Energy Georgia şirkətinin Baş direktoru Mahir Məmmədov bazar ertəsi telefonla bildirib.
"Tikintini sentyabrda başlamağı planlaşdırsaq da, ölkədəki çətin vəziyyətlə bağlı olaraq, oktyabra keçirməyi qərara aldıq", - Məmmədov bildirib.
Neft bazası layihəsinin dəyəri $15 mln. qiymətləndirilir. SOCAR Energy Georgia şirkəti bazanı gələn ilin sonunadək tikmək niyyətindədir.
Neft bazası Kiziki küçəsində, Tbilisi beynəlxalq hava limanının yaxınlığındadır. Tikintinin həyata keçirilməsi üçün şirkət ötən il $3 mln.-a təxminən beş ha torpaq sahəsi alıb. Yeni obyektin çənləri 20 min tonadək neft məhsulu, o cümlədən gürcü bazarında realizə ediləcək mayeləşdirilmiş qaz saxlamağa imkan verir.
Yeni bazada müxtəlif növ benzin, kerosin, bitum, mayeləşdirilmiş qaz və mazut saxlanılacaq. Bazanın sahəsi təxminən beş ha olacaq.
SOCAR Georgia-nın təsisçiləri aşağıdakılardır: ARDNŞ - 51 faiz, Petro-Trans FZCO - 32,7 faiz və İvan Çxartişvili - 16,3 faiz.
Müəlliflə əlaqə saxlamaq üçün elektron ünvan: [email protected]
