...

ARDNŞ dövlətə neft təhvilini artırmaq üçün dəniz yatağında kompressor stansiyalarını müasirləşdirir

Energetika Materials 8 Sentyabr 2008 18:06

Trend-i buradan izləyin

Azərbaycan, Bakı, 08 sentyabr/ Trend /Yanvar-avqust ərzində Azərbaycan Dövlət Neft Şirkətinin (ARDNŞ) N. Nərimanov adına Neft-Qaz Çıxarma İdarəsi (NQÇİ) dövlətə planlaşdırılmış 288 min ton əvəzinə 304 min ton neft təhvil verib, - bazar ertəsi ARDNŞ-nin yaydığı məlumatda deyilir.

Yanvar-avqustda NQÇİ planlaşdırılmış 405,5 mln. kubmetr əvəzinə 414,7 mln. qaz təhvil verib.

NQÇİ-nin balansında olan quyuların orta dərinliyi 5 km. təşkil edir.

"Neft daşları", "Balaxanı", "Suraxanı"yataqlarında 20 məhsuldar təbəqə olduğu halda, bu yataqda cəmi iki güclü təbəqə var.

Təbqələrdən neft hasil etmək üçün yüksək təzyiqli qaz lazımdır. Məhz bunun təmin edilməsi üçün NQÇİ-nin kompressor təsərrüfatı müasirləşdirilir.

Son illər 10 yeni qaz aqreqatının quraşdırıldığı üç kopressor stansiyanın müasirləşdirilməsi başa çatıb.

Yaxın aylarda dördüncü kompressor stansiyanın müasirləşdirilməsi və ümümi təmiri başa çatacaq. Stansiya neft hasilatını stabil səviyyədə saxlamaq və qazın yüksək təzyiq altında qaz-lift sisteminə ötürülməsi üçün lazımdır.

Xəbər lenti

Xəbər lenti