Azərbaycan, Bakı, 17 noyabr / Trend , müxbir S.Əliyev/ "Azəri-Çıraq-Günəşli" yataqlarının işlənilməsi üzrə operator BP şirkəti yatağın mərkəzi hissəsində hasilatın dayandırılmasına gətirmiş qaz tullantılarının səbəblərinin tədqiqini davam etdirir, - hökumətdən bazar ertəsi bildiriblər.
Hazırda şirkət platformanın dayandırılmasınadək qazılan quyuda tədqiqatlar aparır, - hökumətdən bildiriblər.
"Mərkəzi Azəri" platformasını cari ilin dekabrında istismara vermək planlaşdırılır, - SOCAR şirkətinin (Azərbaycan Dövlət Neft Şirkəti) rəhbəri Rövnəq Abdullayev əvvəllər bildirib.
Hazırda "Azəri-Çıraq-Günəşli" yataqları blokundan neftin hasilat həcmi sutkada təxminən 650 min barel təşkil edir. Yataqdakı platforma dayandırılanadək bu rəqəm təxminən 900 min barel təşkil edib.
"Azəri-Çıraq-Günəşli" yataqlarının işlənilməsi üzrə operator BP şirkəti sentyabrın 17-də platforma yaxınlığında dənizdə qazın aşkar edilməsi ilə əlaqədar "Mərkəzi Azəri" yatağında hasilatı dayandırıb və platformadakı personalı köçürüb. Ehtiyat məqsədilə yatağın qərb hissəsində "Qərbi Azəri" platformasında hasilat dayandırılıb. Lakin sonra bu platformadan hasilat bərpa edilib.
"Azəri-Çıraq-Günəşli" yataqları blokundan Bakı-Tbilisi-Ceyhan boru kəməri ilə ixrac edilən Azeri Light növlü neft hasil olunur.
Müəlliflə əlaqə saxlamaq üçün elektron ünvan: [email protected]
