Qazaxıstan, Astana, 20 yanvar/ Trend , müxbir K.Konırova/
2008 - ci ildə Qazaxıstan şirkətlərinin böyük neft - qaz layihələrində ödənişlərinin ümumi məbləği 2,85 mlrd. dollar təşkil edib, - "KazMunayQaz" Milli Şirkəti" (KMQ) SC - nin prezidenti Kairgeldı Kabıldin çərşənbə axşamı Astanada bildirib.
"Satınalmaların böyük bir hissəsini Qazaxıstan şirkətlərinin xidmətləri təşkil edib. Bu, 2,56 mlrd. dollar və ya satınalmaların ümumi məbləğinin 89,7 faizidir", - "Milli Rifah Fondu "Samruk-Kazına" SC Şirkətlər Qrupu təşkilatlarının Qazaxıstanın əmtəə, iş və xidmət istehsalçılarından satınalmalarının həyata keçirilməsi məsələləri üzrə müşavirədə məruzə ilə çıxış edən Kabıldin bildirib.
KMQ rəhbərinin sözlərinə görə, şirkət qısa zamanda yeni "2009 - 2011 - ci ilərdə neft - qaz maşınqayırmasının inkişafına yardım Proqramı"nı tətbiq edəcək. Proqrama ölkənin 31 maşınqayırma zavodu daxil olacaq.
"Bu gün ölkənin maşınqayırma zavodları tərəfindən neft - qaz sənayesi üçün 309 adda avadanlıq və materialın istehsalı təşkil edilib, - Kabıldin deyib. - Qazaxıstan Respublikasının bütün regionlarının maşınqayırma müəssisələri şirkətimizin tərəfdaşlarıdır".
Hazırda yalnız "KazMunayQaz" Kəşfiyyat Hasilat" SC Qazaxıstan müəssisələri ilə 3,6 mlrd. təngədən çox məbləğdə müqavilələr bağlayıb.
"KazMunayQaz" Milli Şirkəti" gələcəkdə də ölkənin neft - qaz sahəsindəki yerli istehsalçıların inkişafına şərait yaradılmasında fəal mövqe tutacaq", - Kabıldin qeyd edib.
Onun məlumatına görə, fevralda KMQ Astanada Qazaxıstanın əmtəə, iş və xidmətlər istehsalçılarının forumunu keçirməyi planlaşdırır. Forum respublikanın neft - qaz, maşınqayırma və xidmət komplekslərinin qarşılıqlı əlaqəsinin inkişafında sinergetik səmərəyə nail olmağa yönələcək.
"KazMunayQaz" Milli Şirkəti" Qazaxıstanın karbohidrogenlərin kəşfiyyatı, hasilatı, emalı və nəqli üzrə milli operatorudur və ölkənin neft - qaz sənayesiində dövlətin maraqlarını təmsil edir. "KazMunayQaz" SC-nin səhmlərinin 100 faizi "Milli Rifah Fondu "Samruk-Kazına" SC-yə məxsusdur.
Müəlliflə əlaqə saxlamaq üçün elektron ünvan: [email protected]