...

Bakı şəhərinin qaz sisteminə qazın verilişi normal rejimdə həyata keçirilir

Energetika Materials 2 Fevral 2009 15:13

Trend-i buradan izləyin

Azərbaycan, Bakı, 02 fevral / Trend , müxbir E.İsmayılov/ Bu gün "Bakqaz" (Bakıda qazın paylanması və satışı üzrə)  İstehsalat Birliyinin (İB) Bakı şəhərinin qaz sisteminə verdiyi qazın sutkalıq həcmi 11,5 mln. kubmetr təşkil edir, - İB-dəki mənbə bazar ertəsi bildirib.

Onun sözlərinə görə, "hazırda qaz sistemə normal rejimdə daxil olur və verilən qazın sutkalıq həcmi təxminən 11,5 milyon kubmetr təşkil edir".

2008-ci ildə Bakının qaz sisteminə təxminən 2,45 mlrd. kubmetr qaz verilib. Ötən ilin dekabrında bu göstərici 334,4 milyon kubmetrdən çox olub.

2008-ci ildə İB şəhərin qaz sisteminə qazın mövsümi verilməsindən (yay və qış mövsümləri) tamamilə imtina edib. Bundan sonra, verilən qazın həcmi istifadəçilərin tələbatı ilə müəyyən ediləcək. Mövsümi rejimin tətbiqi əhalinin əksər hissəsində sayğacların olmaması və nəticədə qazdan qeyri-rasional istifadə ilə bağlı olub. Hazırda Bakının qaz şəbəkəsi üzrə abunəçilərin 100 faizi qaz sayğcaları ilə təmin olunub, mənbə əvvəllər bildirib.

İstehsalat Birliyi əvvəlki illərdə aprelin ortalarından yay iş rejiminə keçir və qış dövrü ilə müqayisədə abunəçilərə verilən qazın həcmi azaldılırdı. Qış dövrünə keçid noyabrın 15-dən həyata keçirilirdi. Yay mövsümündə qaz şəbəkəsinə verilən qazın sutkalq həcmi 3-4 mln. kubmetr, qışda isə 10-13 mln. kubmetr təşkil edirdi.

Müəlliflə əlaqə saxlamaq üçün elektron ünvan: [email protected]


в

Xəbər lenti

Xəbər lenti