Azərbaycan, Bakı, 14 avqust / Trend /
Bu ilin yanvar-iyul aylarında Bakı şəhərində istehlakçılardan istifadə edilən elektrik enerjisi haqlarının toplanması 87,9 faiz təşkil edib. Yanvar-iyul aylarında bu göstərici 72,7 faiz olub. Bu barədə "Respublika" qəzetnidə dərc olunmuş məlumat cədvəlində bildirilir. İyulda bu göstərici 95,5 faizə çatıb.
Hesabata əsasən, yanvar-iyul ayları ərzində istifadə olunmuş elektrik enerjisinə görə maksimal yığıma Bakının Nizami rayonunda nail olunub - 97,5 faiz. Paytaxtın Sabunçu rayonunda bu göstərici 73,3 faiz olub. İyulda Nərimanov rayonundakı 80,3 faizlik göstəriciyə qarşı 106,3 faizlik maksimal yığım Yasamal rayonunda əldə olunub.
Bütün ölkə üzrə yanvar-iyul aylarında istifadə edilmiş elektrik enerjisinə görə maksimal yığım Hacıqabul rayonunda qeydə alınıb - 116 faiz. 66,4 faizlik minimal göstərici isə Ağdam rayonunda qeydə alınıb.
Ümumilikdə ölkə üzrə yanvar-iyul aylarında istifadə olunmuş elıektrik enerjisinə görə ödəmələrin toplanması 86,9 faiz təşkil edib. İyulda isə bu rəqəm 94 faiz olub.
