Azərbaycan, Bakı, 5 avqust /Trend/
Yanvar-iyul aylarında ARDNŞ (müştərək müəssisələr və əməliyyat şirkətləri istisna olmaqla) 83 260 metr qazma işi həyata keçirib. Bu göstərici 2009-cu ilin yanvar-iyul aylarında 103 206 metr olub. Bu barədə şirkətin cümə axşamı yaydığı məlumatda deyilir.
Məlumatda qeyd olunduğuna görə, yanvar-iyul aylarında bu sahədə görülmüş işlərin 79 406 metri istismara, 3 854 metri kəşfiyyata, 841 metri isə struktur axtarış qazmasına aid olub.
İyulda ARDNŞ 11 886 metr qazma işi (ötən ilin iyulunda 9 178 metr) həyata keçirib. Bu sahədə görülmüş işlərin 9 946 metri istismara, 1 940 metri kəşfiyyata aid olub. Həyata keçirilmiş kəşfiyyat qazmasının 379 metri isə struktur axtarış qazmasına aid olub.
2009-cu ildə ARDNŞ 168,2 min metr qazma işi görüb. Bu göstərici 2008-ci ildə 203 min metr, 2007-ci ildə isə 190 376 metr təşkil edib.
