Azərbaycan, Bakı, 17 sentyabr /Trend/
Yanvar-avqust aylarında ARDNŞ Azərbaycan əhalisinə 1,23 milyard kubmetr qaz verib. Bu barədə ARDNŞ-nin məlumatında deyilir. Avqustda isə ARDNŞ əhaliyə 63,3 milyon kubmetr qaz tədarük etmişdi.
Yanvar-avqustda şirkət sənaye müəssiələrinə 607,6 milyon kubmetr qaz göndərib. Avqustda sənaye müəssisələrinə 50,5 milyon kubmetr qaz göndərilib.
Yanvar-avqust aylarında kommunal-büdcə müəssisələrinə 157,5 milyon kubmetr qaz verilib. Avqustda bu göstərici 3,2 milyon kubmetr təşkil edib.
Yanvar-avqustda ARDNŞ Naxçıvan Muxtar Respublikasının Dövlət Energetika Agentliyinə 62,3 milyon kubmetr qaz ötürüb. Avqustda bu göstərici 8,6 milyon kubmetr təşkil edib.
Bundan əvvəl ölkə daxilində bütün qaz əməliyyatlarını "Azəriqaz" QSC həyata keçirirdi. Ötən ilin iyununda "Azəriqaz" QSC İstehsalat Birliyi qismində ARDNŞ-nin tərkibinə daxil edildi.