Azərbaycan, Bakı, 11 iyul /Trend/
Cari ilin yanvar-iyun aylarında ARDNŞ (Azərbaycan Respublikası Dövlət Neft Şirkəti) Rusiyaya "Qazprom" şirkəti ilə ortatəcili müqavilə çərçivəsində 1 milyard kubmetr qaz ixrac edib. Bu barədə bazar ertəsi Trend-ə neft-qaz bazarındakı mənbə deyib.
"Hazırda Rusiyaya sutkada 3,5-4 milyon kubmetrə yaxın Azərbaycan qazı ixrac edilir", - mənbə bildirib.
Onun sözlərinə görə, mövsümlə bağlı qaz seçimi həcmlərinin azalmasına baxmayaraq, sutkada altı milyon kubmetr qazın tədarük edildiyi ilin əvvəli ilə müqayisədə bu il üçün nəzərdə tutulan bütün həcm, yəni iki milyard kubmetr tədarük olunacaq.
İyulun 11-nə olan məlumata görə, Rusiyaya artıq 1,1 milyard kubmetrə yaxın qaz tədarük edilib.
2010-cu ildə ARDNŞ RF-yə 800 milyon kubmetrə yaxın qaz ixrac edib.
Azərbaycan qazının Rusiyaya alqı-satqısı üzrə ortamüddətli müqavilə 2009-cu il oktyabrın 14-də Bakıda ARDNŞ və "Qazprom" arasında imzalanıb. 2010-cu il sentyabrın əvvəlində Bakıda imzalanan müqaviləyə əlavəyə görə, 2011-ci ildə "Qazprom" iki milyard kubmetr, 2012-ci ildə isə iki milyard kubmetrdən çox qaz alacaq.
Rusiyaya Azərbaycan qazının tədarükünə 2010-cu il yanvarın 1-dən başlanılıb.