...

ARDNŞ Azərbaycanda karbamid zavodunun tikintisi üçün podratçını müəyyənləşdirir

Energetika Materials 20 Noyabr 2012 19:27 (UTC +04:00)

Azərbaycan, Bakı, 20 noyabr /Trend, müxbir E.İsmayılov/

Azərbaycan Respublikası Dövlət Neft Şirkəti (ARDNŞ) ilin sonunadək Sumqayıt şəhərində karbamid istehsalı zavodunun tikintisi çərçivəsində elan edilmiş tenderin qalibini müəyyənləşdirə bilər. Bu barədə çərşənbə axşamı Trend-ə ARDNŞ-nin yüksəkvəzifəli nümayəndəsi deyib.

Onun sözlərinə görə, hazırda tender proseduru davam edir və müxtəlif xarici şirkətlərin təqdim etdiyi böyük təkliflər paketi hələ baxılma mərhələsindədir. Təkliflərini verənlər arasında Avropa, ABŞ, Yaponiya və Koreya şirkətləri var.

"Sənədlərə baxılması hələ davam edir, bütün şirkətlər tərəfindən böyük paket təqdim edilib. Ola bilsin ki, cari ilin sonunadək qərar qəbul edilsin", - ARDNŞ nümayəndəsi vurğulayıb.

ARDNŞ-nin Gürcüstanda analoji karbamid zavodunun tikintisi üzrə niyyətlərinə toxunan şirkət nümayəndəsi qeyd edib ki, hər iki zavodu eyni şirkətin inşa edib-etməyəcəyi məsələsi hələ də açıq qalır.

Məqalədə:
Xəbər lenti

Xəbər lenti