...

Rövnəq Abdullayev: Transadriatik kəməri qazın Avropaya tədarükü üçün böyük imkanlar yaradır

Energetika Materials 1 İyul 2013 21:01 (UTC +04:00)

Trend-i buradan izləyin

Azərbaycan, Bakı, 1 iyul /Trend, müxbir E.İsmayılov/

Transadriatik qaz kəməri layihəsi qazın Balkan ölkələrinə tədarükü üçün böyük imkanlar yaradır. Trend-in məlumatına görə, bu barədə Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev AzTV telekanalına müsahibəsində deyib.

Abdullayev bildirib: "Qaz kəməri Yunanıstan, Albaniya və İtaliyanı əhatə etməklə yanaşı, interkonnektorlar vasitəsilə Balkan ölkələrinin bazarlarına çıxmağa imkan yaradacaq. Xüsusilə, layihə Bolqarıstan bazarına qaz nəql etməyə, Albaniyanın qazlaşdırılması prosesində iştirak etməyə, Monteneqro və bir sıra ölkələrə qaz tədarükünü təmin etməyə imkan verəcək".

Azərbaycanın "Şahdəniz" qaz-kondesat yatağının işlənməsi layihəsinin səhmdarlarının Transadriatik boru kəməri (TAP) layihəsində iştirak payına gəlincə, ARDNŞ prezidenti qeyd edib ki, ilin sonunadək ARDNŞ, BP, "Statoil" və "Total" şirkətləri tərəfindən qaz kəməri layihəsində 50 faiz iştirak payının əldə edilməsi prosesi yekunlaşacaq.

Məqalədə:
Xəbər lenti

Xəbər lenti