Azərbaycan, Bakı, 28 avqust /Trend, müxbir E.Ismaylov/
Təmir işləri ilə əlaqədar 28 avqust 2013-cü il tarixdə saat 11:00-dan 15:00-dək "Zərdab" Qazpaylayıcı Stansiyası, 28-29 avqust 2013-cü il tarixlərində isə "Şirvan" QPS-dən qidalanan "Hacıqəhrəmanlı" və "Şirvan sənaye" ölçü qovşaqlarından qaz təchizatı dayandırılacaq.
"Azəriqaz" İB Trend-ə daxil olan məlumatda bildirilir ki, təmir işləri aparılan müddətdə Zərdab şəhəri də daxil olmaqla, rayonun bütün yaşayış məntəqələrinə və Şirvanın Hacıqəhrəmanlı qəsəbəsinə təbii qazın verilməsində fasilələr yaranacaq.