Azərbaycan, Bakı, 1 may /Trend, müxbir E.İsmayılov/
2006-cı il iyunun 2-dən 2014-cü il mayın 1-dək Türkiyənin "Botas International Limited" (BIL) şirkəti Ceyhan neft terminalından 1,67 milyard barelə nisbətdə (2013-cü il mayın 1-nə) təqribən 1,93 milyard barel neft yükləyib. Bu barədə Trend BIL-in saytına istinadən məlumat verir.
BIL 2001-ci ildən etibarən Bakı-Tbilisi-Ceyhan (BTC) neft kəmərinin Türkiyə ərazisində istismarı ilə məşğul olur.
Hesabat dövründə terminaldan 2510 tanker yüklənib. Bu rəqəm 2013-cü il mayın 1-nə 2167 tanker olub.
BTC-nin səhmdarları BP (30,1 faiz); AzBTC (25 faiz); Chevron (8,9 faiz); Statoil (8,71 faiz); ТРАО (6,53 faiz); Eni (5 faiz); Total (5 faiz); Itochu (3,40 faiz); Inpex (2,5 faiz); ConocoPhillips (2,50 faiz) və ONGC (2,36 faiz) şirkətləridir.
